సూపర్‌బుక్

పాఠం:

మీరు ఎవరికైనా అన్యాయం చేసినప్పుడు, క్షమాపణ కోరండి.

ఎక్స్‌ట్రాలు

• క్యారక్టర్ ప్రొఫైల్స్

  • యాకోబు (చిన్నవాడు)

    మరిన్ని కనుగొనండి
    

    యాకోబు (చిన్నవాడు)

    

    యాకోబు, పేరుకు 'ఒక మోసగాడు' అని అర్ధం, అతని చేతితో ఏశావు మడమను పట్టుకుని జన్మించాడు (దానిని ట్యాగ్-టీమ్ అంటారు). యాకోబు, తన అన్నయైన ఏశావు యొక్క జన్మహక్కు కోసం తన గిన్నెలోని కూరను అమ్మాడు. అతను చాలా ధనవంతుడయ్యాడు మరియు చివరికి తన అన్నతో సంబంధాన్ని పునరుద్ధరించుకున్నాడు. పెనూయేలు వద్ద, దేవుడు యాకోబుకు ఇశ్రాయేలు అనే పేరును ఇచ్చాడు, "దేవునితో పోరాడువాడు" అని దీనర్థం కరువు సమయంలో, యాకోబు ఐగుప్తులో నివసించడానికి వెళ్ళాడు, అక్కడ అతని కుమారుడైన యోసేపు, ఫరోకు తరువాతి స్థానంలో ఉన్నాడు.

    • బైబిల్ సూచనలు

      • ఆదికాండము 28:15
      • ఆదికాండము 25:23
      • ఆదికాండము 25:29-34
      • ఆదికాండము 27
      • ఆదికాండము 28
      • ఆదికాండము 29
      • ఆదికాండము 31
      • ఆదికాండము 32
      • ఆదికాండము 32:28
      • ఆదికాండము 33
      • ఆదికాండము 42
      • ఆదికాండము 49

  • ఏశావు

    మరిన్ని కనుగొనండి
    

    ఏశావు

    

    ఏశావు పుట్టినప్పుడు, అతను ఎర్రగాను, ఎర్రటి వస్త్రంలా ఒళ్ళంతా జుట్టు కలిగి పుట్టాడు. కాబట్టి అతనికి “ఒళ్ళంతా వెంట్రుకలు గలవాడు” అను అర్థమిచ్చు పేరు పెట్టారు. ఏశావు మొదట జన్మించాడు, అతని కవల సోదరుడు యాకోబు అతని మడమను పట్టుకున్నాడు. అతను బయటి ప్రపంచాన్ని ప్రేమిస్తూ పెరిగాడు మరియు అతను నైపుణ్యం కలిగిన వేటగాడు అయ్యాడు. ఏశావు తన జన్మహక్కును ఒక చిన్న గిన్నెడు కూర కోసం యాకోబుకు 'అమ్మాడు'. ఏశావు మరియు యాకోబు చాలా సంవత్సరాలు విడిపోయారు, కానీ ఏశావు అతనిని క్షమించాడు మరియు వారు రాజీ పడ్డారు.

    • బైబిల్ సూచనలు

      • హెబ్రీ పత్రిక 12:16
      • ఆదికాండము 25:25
      • ఆదికాండము 36:1
      • ఆదికాండము 25:27
      • ఆదికాండము 25:28
      • ఆదికాండము 25:30-34
      • ఆదికాండము 26:34-35
      • ఆదికాండము 32
      • ఆదికాండము 33

  • ఇస్సాకు

    మరిన్ని కనుగొనండి
    

    ఇస్సాకు

    

    ఇస్సాకు, ఇతని పేరుకు 'అతను నవ్వుతాడు' అని అర్థం. అతను అబ్రాహాము, శారాల ఏకైక కుమారుడు. దేవుడు ఇస్సాకును ఆశీర్వదించాడు మరియు అతడు ధనవంతుడయ్యాడు. అతను శాంతపరుడైన వ్యక్తి మరియు అసూయపడే ఫిలిష్తీయులు అతని బావులను నింపినప్పుడు, అతను గోడవకు దూరంగా ఉన్నాడు. అతను వారితో గొడవపడకుండా, అక్కడి నుండి మరోచోటికి వెళ్ళి కొత్త బావులను తవ్వాడు. మెసొపొటేమియా నుండి యాకోబు తన కుటుంబంతో తిరిగి వచ్చిన తర్వాత ఇస్సాకు 180 సంవత్సరాల వయస్సులో మరణించాడు.

    • బైబిల్ సూచనలు

      • ఆదికాండము 26:23-25
      • ఆదికాండము 22
      • ఆదికాండము 23:1
      • ఆదికాండము 24
      • ఆదికాండము 26:1
      • ఆదికాండము 26:10-11
      • ఆదికాండము 26:23-25
      • ఆదికాండము 35:27-29

  • రిబ్కా

    మరిన్ని కనుగొనండి
    

    రిబ్కా

    

    ఇస్సాకు భార్యయైన రిబ్కా గర్భవతియైనప్పుడు, ఆమె గర్భంలో కవలలు ఉండెను. ఆమె తన గర్భంలో పెనుగులాడుతున్న శిశువుల గురించి ప్రార్థించింది మరియు ఈ కవలలు రెండు ప్రత్యర్థి దేశాలుగా మారతారని మరియు కవలలలో పెద్దవాడు, చిన్నవానికి సేవ చేస్తాడని దేవుడు ఆమెకు ప్రత్యక్షపరిచాడు. దేవుణ్ణి నమ్మడానికి బదులు, ఆమె తనకు ఇష్టమైన కుమారుడైన యాకోబు కోసం పథక రచన చేయడం ప్రారంభించింది. ఆమె చనిపోయినప్పుడు, ఆమెను మక్పేలా గుహలో పాతిపెట్టారు.

    • బైబిల్ సూచనలు

      • ఆదికాండము 25:22
      • ఆదికాండము 24
      • ఆదికాండము 25:19-26
      • రోమా పత్రిక 9:10-12
      • ఆదికాండము 25:27-34
      • ఆదికాండము 27:1-40
      • ఆదికాండము 27:41-46
      • ఆదికాండము 49:30-31

• వీడియోలు

  యాకోబు ఏశావు యొక్క జేష్టత్వం హక్కును తీసుకున్నాడు

  • 

    యాకోబు ఏశావు యొక్క జేష్టత్వం హక్కును తీసుకున్నాడు

  • 

    ఏశావు యాకోబుతో రాజీపడతాడు

  • 

    ఇస్సాకు యాకోబును ఆశీర్వదించాడు

  • 

    యాకోబు పెనూయేలు అని పేరు పెట్టాడు

  • 

    యాకోబు మరియు ఏశావు గురించి రిబ్కా మాట్లాడింది.

  • 

    యాకోబు దేవునితో పోరాటం చేస్తాడు

  • 

    యాకోబు మరియు ఏశావు- రక్షణ కావ్యం.

  • 

    రిబ్కా మోసాన్ని ప్రోత్సహిస్తుంది

• Q & A

  • యాకోబు, ఏశావు వంటి 2 వ్యక్తుల ప్రత్యేకత గురించి బైబిల్ ఏమి చెబుతుంది?

    ఏ ఇద్దరు వ్యక్తులకు ఒకే వేలిముద్రలు ఉండకపోవడం ఆశ్చర్యంగా ఉంది కదా? దేవుడు మనలో ప్రతి ఒక్కరిని ప్రత్యేకమైన వ్యక్తులుగా సృష్టించాడు. నీవు పుట్టకముందే నీ గురించి దేవునికి అన్నీ తెలుసు (కీర్తనలు 139:13-16). వైవిధ్యాన్ని వేడుక చేసుకోండి, వ్యక్తుల మధ్య భిన్నత్వాన్ని అంగీకరించండి మరియు మిమ్మల్ని ప్రత్యేకంగా చేసినందుకు దేవునికి ధన్యవాదాలు చెప్పండి.
    
    
    
    మీ పట్ల దేవుని ప్రేమనూ, ప్రణాళికను కనుగొనండి

    • కీర్తనలు 139:13-16

  • మన క్రియలకు పర్యవసానాలు ఉంటాయని యాకోబు, ఏసావుల కథ ఎలా చూపిస్తుంది?

    క్రియలన్నీ అవి పెద్దవైనా లేదా చిన్నవైనా , సానుకూలమైనవైనా లేదా ప్రతికూలమైనవైనా, స్వల్పకాలికమైనవైనా లేదా దీర్ఘకాలం ఉండేవైనా పర్యవసానాలు కలిగి ఉంటాయి. “అయితే …అప్పుడు” అనేది జీవితంలోని “చర్య-ప్రతిచర్య సూత్రం. దీనిని బైబిల్ అంతటా చూస్తాం. ఆదిలో ఆదాము, హవ్వల చర్యకు పర్యవసానాలు ఉన్నాయి. అవి మీతో సహా ప్రతి మనిషిపై ప్రభావం చూపుతున్నాయి. మీ చర్యలు మిమ్మల్ని మాత్రమే కాకుండా ఇతరులను కూడా ప్రభావితం చేస్తాయి. మీరు ఒక పనిచేసే ముందు దాని వల్ల కలిగే ప్రభావాన్ని గురించి ఆలోచించడానికి ప్రయత్నించండి.
    
    
    
    మీ పట్ల దేవుని ప్రేమను, ప్రణాళికను కనుగొనండి

    • ఆదికాండము 3:16-19

  • మీరు ఎవరికైనా అన్యాయం చేసినప్పుడు క్షమాపణ కోరాలా?

    దేవుడు మనలను త్వరగా క్షమించగలడు - కాని మనం ఎల్లప్పుడూ ఇతరులను క్షమించడంలో అంతగా తొందరపడము. దేవుడు క్షమించే దేవుడు అని బైబిల్ మనకు బోధిస్తుంది మరియు మనం ఆయన్ని క్షమాపణను కోరినప్పుడు, మనలను క్షమిస్తానని ఆయన మనకు వాగ్దానం చేసాడు (1 యోహాను 1:9). యేసు భూమిపై ఉన్నప్పుడు క్షమాపణ గురించి చాలా మాట్లాడాడు మరియు క్షమాపణ యొక్క ప్రాముఖ్యతను నొక్కి చెప్పాడు. యేసు "ఇతరులను క్షమించండి. అప్పుడు మీకు క్షమాపణ దొరుకుతుంది" (లూకా 6:37) అని చెప్పాడు. రుణాన్ని క్షమించలేని వ్యక్తిని గురించిన (మత్తయి 18:23-35) ఉపమానంలో క్షమించకపోవడం యొక్క పరిణామాల గురించి కూడా ఆయన మనలను హెచ్చరించాడు. తప్పిపోయిన కుమారుని ఉపమానం (లూకా 15) పశ్చాత్తాపాన్ని నొక్కి చెబుతుంది, అయితే మనం ఎవరికైనా అన్యాయం చేసినప్పుడు మనం క్షమాపణ కొరకు ఎలా ప్రయత్నం చేయాలో, ఎలా కోరాలో కూడా వివరిస్తుంది.
    
    
    
    మీ పట్ల దేవుని ప్రేమను, ప్రణాళికను కనుగొనండి

    • 1 యోహాను పత్రిక 1:9
    • లూకా 6:37
    • మత్తయి 18:23-35
    • లూకా 15

  • క్షమాపణ ఏవిధంగా బహుమతి వంటిది?

    క్షమాపణ అనేది మీరు ఇవ్వగలిగిన, స్వీకరించగలిగిన బహుమతి. ఇది మిమ్మల్ని భయం, ద్వేషం మరియు ప్రతీకారం నుండి విడుదల చేసే బహుమతి. “32హృదయంలో కరుణ కలిగి ఒకరిపై మరొకరు దయ చూపించండి. దేవుడు మిమ్మల్ని ఏ విధంగా క్రీస్తులో క్షమించాడో ఆ విధంగానే మీరు కూడా ఇతరులను క్షమించండి.” అని బైబిలు బోధిస్తోంది (ఎఫెసీ. 4:32) . క్షమించకపోవడాన్ని గురించి యేసు తీవ్రంగా హెచ్చరించాడు: “మనుషుల అతిక్రమాలను మీరు క్షమిస్తే పరలోకంలో ఉన్న మీ తండ్రి కూడా మీ అతిక్రమాలను క్షమిస్తాడు. మీరు మనుషుల అక్రమాలను క్షమించకపోతే మీ తండ్రి కూడా మీ అక్రమాలను క్షమించడు." (మత్తయి 6:14-15) . ఈ హెచ్చరికను హృదయపూర్వకంగా తీసుకోండి ఎందుకంటే, ఏదైనా బహుమతి వలె, మీరు క్షమించాలా, క్షమించకూడదా అనేది నిర్ణయించేది మీరే.
    
    
    
    మీ పట్ల దేవుని ప్రేమను, ప్రణాళికను కనుగొనండి

    • ఎఫెసీ పత్రిక 4:32
    • మత్తయి 6:14-15

  • మీరు దేవుని నుండి దూరంగా పారిపోలేరని యాకోబు జీవితం ఎలా చూపిస్తుంది?

    ఆ రోజుల్లో, తాము నివసించే ప్రదేశాలలో మాత్రమే తమ దేవుళ్ళు ఉంటారని ప్రజలు నమ్మేవారు. అయితే, ప్రభువైన దేవుడు ప్రతిచోటా ఉన్నాడని యాకోబు తెలుసుకున్నాడు. తన అన్న నుండి పారిపోతున్నప్పుడు, తనకు కలిగిన దర్శనాన్ని బట్టి దేవుడు ఇంకా తనతో ఉన్నాడని యాకోబు తెలుసుకున్నాడు. మీరు ప్రజల నుండి పారిపోవచ్చు, కానీ మీరు దేవుని నుండి పారిపోలేరు లేదా దాగి ఉండలేరు. దేవుడు ఎల్లప్పుడూ మీతో ఉంటానని వాగ్దానం చేశాడు.
    
    
    
    మీ పట్ల దేవుని ప్రేమను, ప్రణాళికను కనుగొనండి

    • ఆదికాండము 28:10-21